識食一定要食「時令」，秋風起，蟹兒肥，
上月尾就跟最愛到灣仔灣景國際【灣景廳】
嚐了一餐豐富的「蟹」之風味宴自助晚餐，
仲締造了一場回味無窮的金秋「蟹」逅添！
幸好6:30pm準時到場，原來已有人在門口排隊等入場。
今次主廚精選了多款時令螃蟹入饌，讓人一次過可品嚐
一系列不同風味的蟹品菜式。
場內多款冰鎮海鮮輪流供應，如鮮蜆、鮮蝦、新西蘭青口。
新西蘭生蠔大大隻，啖啖肉，新鮮又肥美。
冰鎮加拿大雪花蟹腳多肉又鮮甜。
麵包蟹肉質嫩滑，蟹膏味道又鮮又濃。
刺身同樣會輪流供應，當中最愛肥美的三文魚及北海道帶子。
梳乎厘焗羊肚菌及加菲蟹濃湯 (每客1盅)
正當準備進攻熟食時，有禮的服務員便送上熱辣辣、
脹卜卜的梳乎厘濃湯，最初以為是甜品，但原來是
啖啖蟹肉的濃湯，很暖胃呢….
飲完湯，繼續蟹、蟹、蟹！進攻熱葷！
阿拉斯加蟹肉芝士撻
芝士撻一口一個，蟹肉清甜，混入芝士內，口感豐富。
牛油果蟹肉鍋巴
蟹肉跟牛油果混合於在爆脆鍋巴上，一軟一脆，特別！
花雕蛋白蒸雪花蟹鉗
蛋白有微微酒香，蟹鉗肉嫩，味道很夾。
雪花蟹鉗杯
香芒蟹餅
炸蟹餅沾上酸甜芒果茸，即中和罪惡的肥膩感！
黑松露滑蛋蟹肉布里歐
黃金軟殼蟹
以黃金蝦原理改用軟殼蟹，香口鬆化。
新加坡胡椒炒蟹
深受食客歡迎，眼見廚師已添加了好幾次。
近期嗜辣，對這辣蟹尤其喜愛，除未食已被陣陣香氣吸引外，
見到大大隻蟹鉗已不能忍手，果然辣味適中易接受，而且炒
得剛剛好，蟹肉仍能保持咬口又唔老，色香味俱全！
除了蟹的菜式，另有多款熱葷選擇，如北京片皮鴨、
清蒸沙巴龍躉、砵酒慢煮牛肋條、燒羊架等……
正當食到要中場休息之制，於是去甜品區行個轉，
點知說休息的我，身體卻很誠實，不停來來回回，
便食了好幾轉甜品，我的第二個胃真的名不虛傳！
灣景廳一向能保持水準，除主題食材外，
甜品都十分重視，每次都有驚喜，今次就
有朱古力噴泉、香蕉酥卷、草莓泡芙等….
另設自助飲品吧，提供冰涼的汽水及橙汁。
香橙朱古力慕絲蛋糕
芋圓DIY
十勝紅豆綠茶餅 (每晚8時起供應)
餅身熱辣辣、軟綿綿，配一啖清香細滑的紅豆，
細細件，食一小件都不怕膩！
其實今次除了想盡享蟹宴外，瑞士名牌MÕVENPICK雪糕
都是我倆的主攻項目，場內有8款口味供應，如冧酒提子、
焦糖、瑞士朱古力、意大利奶凍等，另有多款配料任君選擇。
而我就最鍾意檸檬青檸雪葩及冧酒提子，
酸酸甜甜又透心涼，即刻將原有的飽肚感減退。
當食完這餐，已很期待下次的主題自助餐了！
「蟹」之風味宴自助晚餐
日期：由即日至10月31日
時間：6:30pm-9:30pm
原價：成人$498起、長者$458起、小童$358起
灣景廳3大優惠：
免付加一優惠價**
星期一至四：成人及長者 $418 小童 $338
星期五至日、公眾假期及前夕：成人及長者 $448 小童 $358
(已包括加一服務費)
生日優惠**
壽星全枱每位按免付加一優惠價再減$30
餐飲優惠**
每6位成人或長者惠顧可獲贈Tiger生啤2升 (只限堂食)
** 須於成功訂位當日起三天內預繳每位$100訂金
灣景國際The Harbourview【灣景廳】
地址：香港灣仔港灣道4號灣景國際1樓
(灣仔港鐡站A5站出口，香港藝術中心旁)
預訂或查詢：3909 9088 / WhatsApp: 5721 2553
本文章之全部內容均屬個人意見及感受。
沒有留言:
張貼留言