馬鞍山有間隱世甜品店 ♥ 甜匠 ♥，
專注於甜品工匠為題，
每款甜品都用心製作，充滿匠人精神！
而必食嘅就係人氣【馬鞍山小鐵鍋】。
店內環境雅緻，有種偽文青feel，
設有吧枱、有二人、四人座位，
啱晒情侶、閨蜜、三五知己相聚～
《不設限用餐時間》
店舖好貼心，明白與朋友相聚時刻好珍貴，
所以唔希望限制用餐時間，而身為食客嘅
我地就要互相體諒啦～
♥ 烤海鹽玉米脆片 $68
小鐵鍋造型超靚，成朵花咁！
頂層有淋滿榛子醬嘅牛奶雪糕，
中層有海鹽玉米脆片及燒棉花糖，
底層鋪滿香蕉切片，
一齊食，脆卜卜、軟綿綿，咸甜交織，
口感層次豐富，好邪惡，但勁鍾意～
另外仲叫咗3款特色甜品。
♥ 紫醉水靈「葡萄」 $68
富層次感嘅甜品放在玻璃瓶內，
清晰可見甜品匠人嘅手藝。
頂層有清新嘅冧酒提子雪糕x甜酒葡萄乾，
緊接係香脆嘅葡萄肉、蘆薈同小丸子，
最後係大大片嘅葡萄蒟蒻，清甜彈牙！
♥ 仲夏野莓 $80
即叫即烘嘅比利時列日窩夫，
金黃焦糖外層，外脆內鬆，
淋上滿滿嘅草莓汁，配搭紅桑子碎、
野草莓、鮮奶油及草莓雪糕，
清新酸甜，飽肚又好味，夏日必食！
♥ 海鹽牛奶拖肥伴香蕉 $80
呢款窩夫又係另一種風味！
淋上海鹽牛奶拖肥漿，配搭焦糖香蕉、
杏仁片、鮮奶油及3.6牛乳雪糕，
入口有微咸感，正如平衡甜膩感，
脆卜卜焦糖香蕉亦係亮點，
加埋香滑雪糕及奶油，十分推介！
甜匠
馬鞍山鞍誠街22號新港城中心二期12-13號舖
@soul_sweet
#甜匠 #soulsweet #馬鞍山美食
#馬鞍山甜品 #馬鞍山小鐵鍋
#香港探店 #甜品 #新港城中心
＝＝＝＝＝＝＝＝＝＝＝＝＝＝＝
Amy's著數盡在：
＝＝＝＝＝＝＝＝＝＝＝＝＝＝＝
My Contact：amyng369@gmail.com (Amy Ng)
My Fanpage: AmysBeauty.amyng888
沒有留言:
張貼留言