2015年1月5日 星期一

活食龍蝦_和食天王_鳴門日本料理

上星期同老公去開觀塘，佢話想同我食餐好既，就帶我去左鳴門日本料理。


入到去先知鳴門攞左和食天王的大奬，於是就睇下有咩好食。


入座後見到有個魚缸，裡面原先有好多龍蝦，但不斷被餐廳服務員攞起及交去廚房。最後只剩下幾隻。


了解後先知，因好多客人都訂了鳴門15週年紀念的時令推介 – 原隻活波士頓龍蝦兩食(刺食+火窩) (HKD198+另加原價加一服務費 = HKD238)。於是我地都馬上落單要一客。


貼士：記得登入進行LIKE鳴門的FACEBOOK及打卡，就可以免費獲贈一客炭燒雞肉串(1人1串)。


嘩，堅係原隻龍蝦呀，上枱時隻龍蝦D鬚同腳仲郁架！


忍唔住啦，同隻龍蝦合照先。放入口時，彈牙到呢！！！超新鮮呀，真係好好味呀。。


接著就到第二食 - 火窩了，我地要了豬骨湯底，所以個湯底加入龍蝦後好快變了奶白色，好濃味，仲好甜添。


睇下個龍蝦鉗幾多肉，一口牛試過，新鮮一口鉗真係未試過。。激讚。


見個湯底咁靚，馬上叫多客美國安格斯牛肩肉(HKD98)加料。美味，在湯裡10秒左右就食得，好美味哦！

 

因15週年關係，連飲品都有做特價，由於食得咁開心，少少酒少不免，於是叫了1瓶梅酒嚟暖飲(HKD49/200ml)，但唔知這款原價係幾錢。


嚟到了，服務員幫我地將支酒放入熱水內坐暖，好期待呀！


飲落又暖又酸酸甜甜，味道好得意，酒味唔太強，對於一個唔係好飲得既人嚟講，確實不錯。


除了龍蝦、飲品，小食都有優惠，我同老公又點會放過呢！


首先真係要講吓鳴門日本料理送的雞串，真係恰到好處，雞肉啱啱熟，醬汁唔太濃；所以忍唔住叫多一客雞肉串燒 (HKD15/串)；之後仲叫了海膽魷魚花 (HKD38/2件)，好味，但無餐牌影得咁大件；以及帶子串燒(HKD28/串)，夠大粒及好味。


飽飽了，本來想食甜品，可惜鳴門未能提供餐牌上的所有甜品，由於無我地想食的款式，故埋單走了。



貼士：埋單前，記得要問下用咩信用咭有優惠，因為我今次CITIBANK信用咭可享正價食品的9折。同時15週年關係，埋單時仲有抽奬添，我今次抽到<<味噌焗廣島蠔2隻>>在下次使用。

參考資料：
地址:            九龍觀塘牛頭角道315號立成大廈地下
Website:       http://www.hk-sushi.com/

我的文章能在以下網站見到：

歡迎聯絡試用或出席活動事宜！
Email: amyng369@gmail.com (Amy Ng)

謝謝收看，有空請推一推。

是次食品資料由   鳴門日本料理提供。

免責聲明: 是次產品/產品資料由品牌提供，本文章之全部內容均屬個人意見及感受，並不代表該品牌之言論及立場，如需協助或希望獲得更多有關產品資訊，請直接聯絡該品牌查詢。

                
張貼者： 於 沒有留言:

2015年1月3日 星期六

唔俾塊面乾爭爭_CANVAS

早前買左澳洲天然有機品牌CANVAS的產品，我今日就開始用。而家同大家分享下。

天然有機的護膚成分是 CANVAS 重要的美學元素。多年來，CANVAS 的專業團隊憑藉共同信念，探究澳洲獨有草本精華的奧秘。經過不斷的研發、改良、驗證，培製出一系列以天然為本的高效產品。

我今用的是(1) 去角質煥膚精華、(2) 天壇木緊緻衡肌油、及(3) 眼部妍亮療程。


(1)   去角質煥膚精華 – HKD540 / 100亳升

深層清除死皮及溫和去除老化角質

成份：
深層清除死皮及溫和去除老化角質，注入車前草高效修復因子，淡化細紋皺紋，賦予肌膚再生光澤。裙帶菜含有豐富的礦物質，當中的維他命B群能舒緩肌膚，配合具鎮靜功效的洋甘菊，肌膚倍感呵護舒適。適合任何膚質使用。

嘩，泵出來的精華係金黃色的，少少杰身，咁就唔會一塗上面就滑返落嚟。質感好幼滑。


使用方法：
取適量於微濕面部打圈按摩直至乾透，避免觸及眼部位置，最後用溫水按摩洗淨。建議每週使用一至兩次。

用完之後，唔知係咪因去左角質及死皮關係，覺得皮膚好乾淨，細滑，連肌膚柔軟左。


(2) 天壇木緊緻衡肌油 – HKD770 / 60毫升           

高效滲透的護理油，配合按摩可提昇肌膚健康及彈性

成份：
高效滲透的護理油，配合按摩可提昇肌膚健康及彈性，重塑肌膚水油平衡，改善底層細胞健康。天壇木加速受損細胞癒合更生，熱情果油蘊含維他命C、鈣及亞麻油酸等滋潤乾燥肌膚，撫平各種細紋。茶花籽油有效抵禦有害紫外線，預防衰老色斑。質地潤而不膩，適合任何膚質使用。

衡肌油質感雖係油狀，但好幼滑及水感，易被皮膚吸收。以泵頭設計，一至兩泵就可以塗均全面及頸。


使用方法：
早晚潔面及使用爽膚水後，取數滴於掌心，輕按於面部及頸部。可深呼吸感受其舒緩的香味。

用後好似有一個軟膜保護我的肌膚一樣，唔會乾爭爭，又無晒甩皮情況，數小時後都仍然保持皮膚嫩滑，仲好有光澤添。


(3) 眼部妍亮療程 – HKD795 / 20毫升

針對眼部微循環及淡化黑眼圈的亮眼精華

成份：
針對眼部微循環及淡化黑眼圈的亮眼精華，甘草萃取能抑制黑色素酪氨酸酶活性，阻隔紫外線侵害，提升明亮光澤感。金盞花中的類黃酮及皂素加速細胞更生循環，緊緻眼部細紋。維他命B3有效抑制黑色素，減少色斑形成，雙眸回復明亮細嫩。

精華質地水潤，以泵裝設計，一泵就可以按摩全眼，好快吸收，馬上有光澤感。


使用方法：
早晚潔面後使用。以無名指取適量輕按於眼部位置。

塗上眼後，覺得好舒服，好薄身，唔怕生油脂粒，由於黑眼圈好勁，故未有咁快可以變淡，但塗上後，馬上會有光澤感。正。


參考資料：
CANVAS Website:       http://www.canvasbeauty.com.hk/zh/

我的文章能在以下網站見到：

歡迎聯絡試用或出席活動事宜！
Email: amyng369@gmail.com (Amy Ng)

謝謝收看，有空請推一推。

是次產品由         CANVAS購買。
是次產品資料由   CANVAS提供。

免責聲明: 是次產品/產品資料由品牌提供，本文章之全部內容均屬個人意見及感受，並不代表該品牌之言論及立場，如需協助或希望獲得更多有關產品資訊，請直接聯絡該品牌查詢。

                
張貼者： 於 沒有留言:
訂閱： 文章 (Atom)