2019年7月1日 星期一

相機必食。一座山牛丼_荃灣牛角次男坊

今日同老公去荃灣買家品,經過見到有間
牛角次男坊,上網一睇,原來它是燒肉店
牛角的兄弟食店,主打即叫即燒的燒肉丼
仲有令人驚嘆的肉類份量,好似好吸引咁!
所以二話不說就在這裡醫肚。


店內簡約整潔,提供獨立雅坐及長枱。


店內提供多款牛丼及豚丼,價錢由HKD79
HKD179,不設加一服務費,另可追加
温泉蛋、帶子/牡丹蝦刺身、沙律及飲品等。


購買方法:
在餐牌選定項目,向門口職員直接購買,
領取號碼牌,放在枱上,服務員便會將
食物逐一送上。


我們叫了招牌的牛丼及豚丼。


牛角次男坊丼 (美國肩脊肉) (HKD93)
成坐富士山般的牛丼,送上枱時確震撼,
禁不住要相機食先,大廚將份量十足的
肉堆砌成山,肩脊肉肥療適中,燒得有
少少焦邊,份外香口,配合牛角秘製醬
微辣惹味。

如轉經典牛角飯燒肉汁,需先跟職員講。

牛丼內亦有大量芽菜,有菜有肉夠平衡。

而牛丼包括的味噌湯味道不太咸,不錯。




豚肉丼 (西班牙豚肉) (HKD82)
日本餐廳對於每道食物的賣相都很講究,
繼震撼視覺的牛丼,又有成朵花造型的
豚肉丼,用上優質西班牙豚梅肉,肉質
細嫩鮮甜,加埋隻温泉蛋,伴飯食一流!



而家仲有競食比賽,只要3分鐘內成功完成
牛角次男坊丼,即可免費享用!最快的仲有
豐富奬品添!


牛角次男坊
荃灣大壩街4-30號荃灣廣場1112B-113號舖

沒有留言:

張貼留言