終於到了星期六，又係時候食好野，今次老公話想去遠少少食日本野，於是問問朋友，得知元朗有間雋太日本料理成日都會出現人龍，於是決定去試下。
當打電話訂7:30pm日式放題時，服務員竟話幫我訂左7:35pm，可以食兩小時，到9:35pm，我初時唔明，後來才知，他們有好多放題時段，而7:30pm是上一段的完場時間。
我係一個有安排的人，所以好欣賞雋太的安排，他們作出了很好的位置及時間安排，每個時段都會在完場時45分鐘作最後落單，令客人都有足夠時間進食；當所有客人在完場前離開後，服務員會把握時間，清潔全場，約5-10分鐘後，服務員才一一安排客人入內，所以人人都可安心坐定定，無需要避開出出入入的人群。
在半開放式的廚房上有日式裝飾，好有feel，食具方面，提供獨立包裝的青芥辣，以及一隻可盛青芥辣的碟，十分細心及衛生。
同其他日本放題一樣，都係有一大本落單紙，種類都幾全面，包括：
(A) 刺身 – 三文魚、北海道帶子、油金魚…
(B) 壽司 – 海膽蝦、鮑魚、黑松露吞拿魚…
(C) 軍艦 – 雜錦海鮮、山葵八爪魚…
卷物 – 鐵火卷、三文魚加州卷…
(D) 手卷 – 脆香三文魚、蕃茄軟殼蟹…
(E) 沙律/小食 - 香芒蟹籽沙律、中華沙律…
(F) 串燒 – 燒鮮菠蘿、七味燒雞翼…
(F2) 串燒 – 黃金燒生蠔、汁燒牛仔骨…
(G) 炸物 – 核桃芝麻球、日本芝士年糕…
(G2) 天婦羅 – 多春魚天婦羅、海蝦天婦羅…
(H) 鐵板料理 – 香芒炒豬頸肉、蒜片牛柳粒…
(I) 一品料理 – 清酒煮蜆、牛油粟米…
(J) 甜品 – 明月冰卷、瑞士Movenpick士多啤梨雪糕杯(每一限一杯)…
飲品 – 樂天石榴汁、韓國海特D啤酒…
(J2) 熱飲 – 熱柚子蜜、熱蜂蜜生薑茶…
雋太安排十分好，當日未能提供的食物，會在黑板上列出來，令客人清楚知道。讚！
嘩，D刺身十分新鮮，好有口感，又放得好靚，食物又出得好快，好有效率。
因老公好鍾意食夀司，故我地勁叫壽司，件件都算有水準。
好少會同壽司影相，由於成張枱都係壽司，又排得咁靚，真係忍唔住要影相留念呀..
除壽司外，我們仲叫了以下其他食物：-
(1) 香草羊扒 – 厚薄適中，味道可以
(2) 蒜片牛柳粒 – 牛柳軟身，好味
(3) 芝士煙肉大阪燒 – 芝士味都幾重，大阪燒口感似中式薄餅(薄餐)
(4) 蒜香牛油煎帆立貝 – 雖然細細粒，但好好味
(5) 香芒炒豬頸肉 – 芒果無被炒乾，仲好多汁，豬頸肉就有少少韌
雖然好飽，但都要留肚食甜品，首先Movenpick雪糕一定要食，可惜每人只可以叫一杯，真係好好味，食到一粒粒士多啤梨；另外我好鍾意明日冰卷，因唔會太甜，而且質感好軟綿綿，好味。其間仲飲左好多支樂天的飲品同食左好多雀巢雪糕添。
總結：服務員態度有禮、安排有序、上菜時間快、食材新鮮、味道有水準，實會再幫襯。
參考資料：
店名：雋太日本料理
地址：元朗西裕街達輝徑1號足彬大廈1號地舖
電話：2359 9722
我的文章能在以下網站見到：
謝謝收看，有空請推一推。
歡迎聯絡試用或出席活動事宜！
Email: amyng369@gmail.com (Amy Ng)
免責聲明: 本文章之全部內容均屬個人意見及感受。
沒有留言:
張貼留言