精心的Omakase_灣仔櫻木

早日心血來潮想食日本菜，

便約同事放工到灣仔櫻木。

其實之前曾跟朋友到這裡，

覺得食物質素不錯，所以今次再來。

店內設計充滿濃厚和風，

環境清雅、座位舒適。

所用的米都來自北海道。

由於頓時出現選擇困難，

同事便建議Omakase，

全程由大廚發辦。

前菜2款：

【南瓜沙律】

帶有微微芥末辣味，清新開胃；

【海草青瓜伴鰻魚】

鰻魚彈牙有咬口，青瓜酸味味，又清爽。

刺身4款：

先有賣相很吸引的3款刺身(左起) –

【剝皮魚配魚肝醬】

第一次食，淡粉紅色的魚肉，肉質比想像細滑；

【牡丹蝦】

比一般牡丹蝦較厚肉、多膠質，口感十足；

【鯖魚】

大廚用火槍微微燒過魚皮，

既保留魚的鮮嫩原味，亦可帶出魚皮的香。

伴著鯖魚的是食用玫瑰花，

第一次食花，沒有特別味道，但有淡淡花香。

【吞拿魚】

食法特別，將紫菜包著吞拿魚、岩鹽、

紫蘇葉、Wasabi一起品嚐，咬下去時，

會感受到吞拿魚的結實、肥美肉質、

再配合紫蘇葉，口裡即時有清新感覺。

煮物：【牛舌】

牛舌煮得既腍身又入味，放進口裏，

便嚐到牛舌的細膩層次及濃郁醬汁。

醋物：【三文魚軟骨冰頭漬】

第一次食，軟骨很爽口，配上酸味味醬汁，很醒神！

壽司5款：

有海膽、右口魚邊、帶子、油甘魚等。

款款都新鮮美味，尤其肥美的海膽，冇腥味，又美味。

卷物：【吞拿魚蓉手卷】

啖啖都食到豐厚的魚蓉，真不錯。

汁物：【蜆清湯】

肚仔飽飽，來個肉質清甜的暖暖蜆湯，暖胃又滿足呢！

甜品：【芝蔴雪糕】

最後便要啟動第二個胃，享受濃味的芝蔴雪糕。

參考資料：-

櫻木

地址：   灣仔軒尼詩道256號The Hennessy 3樓

電話：   2836 3330

本文章之全部內容均屬個人意見及感受。