荃灣多美食，加上跟屋企只有幾個港鐵站距離，
所以經常到那邊醫肚。
早日就同老公到千色匯II期地下咖啡灣開餐。
餐廳童話味濃，以天鵝作主題，門口有一隻
好可愛的天鵝在團團轉；走進餐廳又會見到
城堡、摩天輪等裝飾；近窗的櫈全是粉紅色
咖啡杯造型，令人走進後都會重燃少女心！
當晚8點到餐廳，門口有近10人在排隊，
不過等了不久就有位了。
這裡有多款賣相吸引的食物以供選擇，
我們就叫了雞翼、沙律及意粉兩份食。
玫桂山雞翼 (HKD68 / 6隻)
一次過可嚐到甜、香、辣三種口味雞翼：
微甜的玫瑰、清香的桂花、少辣的山賊，
雞翼外層微微焦身、沾滿醬汁，夠香口。
但略嫌雞翼有點細隻，未夠多肉肥美。
由於8點後不想食太多澱粉質，
所以今次選了一個沙律作晚餐。
原隻軟殼蟹沙律 – 芝麻醬 (HKD88)
沙律賣相吸引，大大隻軟殼蟹放在蔬菜上，
配上芝麻醬汁，味道清新，食完都好飽肚。
鐵板雞扒蕃茄醬汁燴義大利麵 (HKD72)
雞扒大塊、外層帶脆、肉質能保持肉嫩多汁，
義大利麵沾滿蕃茄醬，酸酸甜甜，醒胃美味。
這裡的飲品及甜品賣相同樣靚得像童話般，
今次我們叫了兩杯藍蝶花特飲。
(左) 菠蘿藍蝶 (HKD39)
身為紫色控，見到這杯紫色飲品已心心眼。
味道有點似菠蘿有汽果汁，混合著微酸的
菠蘿味及甘甜的藍蝶味，不錯！
(右) 櫻花藍蝶 (HKD39)
賣相超靚，給我夏日陽光與海灘的感覺，
層次分明，攪勻後味道夾雜著甜酸甘香，
十分豐富，睇得又飲得！
咖啡灣
荃灣眾安街68號荃灣千色匯II期地下G30-G33號舖
沒有留言:
張貼留言