招牌馬來辣蝦湯麵！_沙田Mimila

早日在沙田家居城行街，轉瞬間到了晚飯時間，

於是便到鄰近的沙田新城市廣場醫肚。

今次在7樓覓食，經過馬來西亞餐廳MIMILA，

見到門口推介的招牌馬來辣蝦湯麵賣相好吸引，

於是便排隊等位。

餐廳裝修雅緻，食客人來人往，所以未到7點

已全院滿座。當晚好彩只等了10分鐘就有位。

因唔太餓，所以只叫了招牌湯麵及小食兩份食。

馬來蝦湯麵配海蝦、美國牛肉 (HKD98)

稱得上招牌麵，全因主角「鮮蝦湯底」嚴選了

三十斤鮮甜海蝦去殼、挑蝦腸，以八小時手工

炒料及六小時慢火熬制出來，所以送來時傳來

陣陣鮮味，我就忍不住飲了頭啖湯，味道鮮甜

少少辣。爽口彈牙海蝦跟肉嫩美國牛肉相當襯，

而碗內仲有大量芽菜及青菜，有菜有肉都幾好。

另可加錢追加食材：白胡椒肉骨、蝦、手撕雞、

魚蛋/魚片/半蛋、指天椒。

這個招牌麵預設的「摻摻」為油麵及米粉，

一粗一幼，令口感更豐富。另可自選油麵、

米粉、河粉、銀針粉。

香脆單骨雞翼 (HKD58)

外層炸到脆卜卜，雞肉仍能保持嫩滑，

沾點酸甜醬，味道會更惹味。

(左) 檳城特色鴛鴦 (HKD30)

口感香滑，淡淡地，唔太甜。

(右) 桔子梳打 (HKD32)

內有青檸及桔子肉，酸酸甜甜，好清新。

Mimila

沙田沙田正街18號新城市廣場1期7樓704號舖