2個月無同老公出動去食Buffet啦！
上網見到常去的灣仔灣景廳推出咗
超抵的「黑毛豬．帶子」自助晚餐，
仲實施了一系列貼心的安全措施：
如入座時，食客均需量度體温、
每枱之間有1米或1枱之距離、
自助餐區更加設透明屏障保護食物、
減低飛沫傳播的機會，確保衛生等……
見如此吸引及安全，就即刻訂位！
冰鎮海鮮 + 各式刺身
每次都必會勁食肥美生蠔、雪花蟹腳、
三文魚及帶子，今次的水準依然咁高！
香酥荔茸北海道帶子 (每位1客)
外層鬆化、內有香軟的荔茸及清甜帶子。
黑松露焗珍寶扇貝 (每位1客)
扇貝大大隻、嫩滑爽口，配上蛋黃醬跟
香濃的黑松露醬，味道叫人回味無窮！
北海道帶子魚生飯
肥美帶子、爽口三文魚子配搭
蘊含飛魚子及魚生粒的魚生飯，
1-2口的份量，滿足多滋味！
青木瓜金柚沙律配帶子
煎至兩面焦香的帶子，外脆內軟，
配搭泰式醬汁、金柚、甘筍絲等，
泰味十足，相當醒胃！
北京片皮鴨
每次嚐過開胃菜，都會食一件充滿
京式風味的片皮鴨，今次都唔例外！
外皮夠薄軟，鴨肉肥美又多汁，正！
金絲百花釀帶子
炸至脆卜卜的金絲內藏寶中寶，
先有彈牙蝦膠，再有軟滑帶子，
沾少少甜酸汁，口感更具層次。
蒜蓉粉絲蒸帶子
大大隻扇貝上放有鮮甜帶子，
及吸盡帶子汁及蒜香的粉絲，
一拼享受，令人味蕾綻放！
香煎鴨肝
肥美鴨肝煎得外脆內軟，
每次都至少要食2-3件。
洛神花咕嚕黑毛豬腩
平日愛食咕嚕肉，這款以洛神花入醬
的黑毛豬腩，酸甜有致、惹味又爽口，
清新美味。
薰衣草慢煮西班牙黑毛豬面頰肉
黑毛豬面頰肉加入薰衣草煮理，
入口鬆化、滲出淡淡迷人花香。
桂花蜜汁燒西班牙黑毛豬頸肉
豬頸肉外層焦香、肉質腍滑帶有
橡果甘香，配上桂花，齒頰留香。
西班牙火腿帆立貝意大利飯
富咬口的意大利飯用上24個月
的黑毛豬風乾火腿，鹹香撲鼻，
加入香口的帆立貝，相當合拍！
甜品時間到啦！
紫羅蘭雜莓慕絲蛋糕
飯後來一口甜中帶酸的甜品
就最好不過啦！這款蛋糕集
多種莓子於一身，口感豐富，
賣相吸睛之餘同時躍動味蕾。
雪梨杞子洋甘菊果凍
果凍微甘，頂部有粒清甜杞子
及菊花，底部放有清新雪梨茸，
一品甜品晶瑩通透，貴氣逼人！
班蘭梳乎厘
每晚8點仲會有以新鮮班蘭葉汁
及蛋漿製成的梳乎厘，翠綠輕盈、
甜而不膩，零罪惡感！
MÕVENPICK雪糕
最後當然要食番幾球MÕVENPICK
雪糕才稱得上完滿啦！
另有自助飲品吧可暢飲汽水及橙汁。
「黑毛豬．帶子」自助晚餐
日期：由即日至2020年4月30日
時間：6:30pm-9:30pm
#網上預訂優惠 + #免付加一優惠價：
價錢：成人及長者$308起、小童$238起
每位成人或長者惠顧可獲贈Chateau Marotte
Cuvee Tapis Rouge 2016紅酒1杯 (只限堂食)
另有 #生日優惠 及 #餐飲優惠
灣景國際The Harbourview【灣景廳】
地址：香港灣仔港灣道4號灣景國際1樓
預訂或查詢：3909 9088 / WhatsApp: 5721 2553
沒有留言:
張貼留言