本地人手製 ♥ 絶無防腐劑 ►東海傳統 x 新口味端午粽

#88折優惠 #東海分店有售

 

端午節正是我的食粽月！

今日就同老公試試東海嘅粽先！

 

東海端午粽份量十足，真材實料，

本地人手新鮮製作，不添加防腐劑。

今年推出咗多款尊貴套裝，

可以一次過食到多種口味！

 

 

今年除有必食招牌嘅【瑤柱綠豆粽】

及【湘蓮鹼水粽】，仲有創嘅新口味！

 

 

【XO醬西班牙豚肉粽】

以東海自家製嘅XO醬入饌，

配合矜貴嘅西班牙豚肉、

流心鹹蛋黃、上等花菇等製成，

蒸好後，XO醬精華滲入糯米，

香噴噴，西班牙豚肉肉嫩細膩，

入口微辣、煙韌，惹味又可口。

 

 

【金桂十勝紅豆粽】

採用來自北海道嘅十勝紅豆，

再配以上等陳皮及桂花，

賣相吸引，味道清香細緻，

降血壓同時可健脾胃去水腫，

實在是女性恩物，食得開心又健康！

 

 

想買【尊貴套裝禮劵】送禮自用?

現各東海分店有售，仲有88折，

優惠期至6月24日，快D去買啦！

 

優惠詳情：https://bit.ly/3bfnDy0

查詢熱線：8228 8188

 

#東海酒家 #東海薈 #東海薈拉斐特

#東海飲食集團 #38周年 #端午節 #傳統

#端午粽 #自家製 #優惠 #送禮自用都得

#AmysBeauty #Amys美食 #相機食先

#hkfoodie #foodie #foodlover #foodporn

#hkkol #hkblogger

 

My Contact：amyng369@gmail.com (Amy Ng)

My Fanpage: AmysBeauty.amyng888

安在家中♥歎點心►東海 x Foodpanda 外賣

平時放假最愛去酒樓歎一盅兩件，

但因「飯聚」高危，

為己及人，都係留係屋企好d，

不過真係好掛住蝦餃、燒賣……

好消息！

上星期在網上見到 東海飲食集團

推出咗貼心嘅 #外賣服務 + #88折優惠，

只需經 Foodpanda 網上平台 落單，

即叫即整嘅新鮮外賣就會極速送上，

令足不出戶都歎到粵式小菜及手工點心。

今次叫咗招牌點心、小菜及甜品：

♥東海蝦餃皇、♥鮮蝦燒賣皇

♥原個蛋黃壽桃包、♥柚蜜雞蛋散

♥Q版流沙奶皇包、♥金沙鮮魷

♥東海蝦餃皇 名不虛傳，

送來時依然爽口彈牙、肉汁鮮嫩。

♥壽桃包 蛋黃甘香，飽肚又滿足。

♥雞蛋散 用上酸甜柚蜜點綴，甜而不膩。

想不到安在家中都可享受豐富點心，真滿足！

而家喺 Foodpanda 網上平台落單滿$200，

可享88折優惠呀！

優惠期至2月29日。

優惠適用於東海酒家(太古坊分店)、

東海薈(北京道1號分店) 及

東海薈.拉斐特(The ONE、皇室堡及青衣分店)

想知更多：

東海飲食集團 East Ocean Gourmet Group

https://www.facebook.com/eastocean.hk/

#粵式小菜 #手工點心 #東海酒家 #東海薈

#東海薈拉斐特 #東海飲食集團 #Foodpanda

#外賣速遞 #foodies #foodlover #相機食先

#hkblogger #hkkol #AmysBeauty #Amys美食

My Contact：amyng369@gmail.com (Amy Ng)

My Fanpage: AmysBeauty.amyng888

有花膠的車仔麵！►沙田一樂小鍋

星期日跟老公去沙田石門探舅父，到達石門後，

先在附近食個Lunch先。

走入商場，行了一圈，便選了這間一樂小鍋。 

店內環境簡約雅緻，不似平日車仔麵檔的格局。

這裡以過膠餐牌用作點餸之用，方便又環保。

車仔麵用上豬骨湯底，每日新鮮熬製，無味精。

材料款式很多，部份仲好特別，如現場即包菜肉蒸餃、

牛爽、鮑汁花膠、秘製豬頸肉等。

車仔麵拼餸由兩餸起，淨餸則由三餸起。 

淮山麵＋自製辣汁(小)＋香煎扎肉卷＋鮑汁花膠＋菜肉蒸餃 

(HKD55) 

扎肉厚切、入口結實有咬口。

花膠數量多，滲滿鮑汁，夠腍有膠質，非常有嚼勁。 

即包菜肉蒸餃肉質鮮嫩、蔬菜爽甜，讚！ 

辣汁夠辣，淮山麵口感似公仔麵，而且會勁吸收辣汁，

即令味道提升。 

泉水烏冬＋五香腩汁＋菜肉蒸餃＋咖喱玻璃魷＋秘製金錢肚

(HKD53)

金錢肚厚身、入味又夠腍；玻璃魷夠爽口；烏冬亦不錯。

不過人手略嫌不足，只得兩人，經常要等回應。

一樂小鍋

沙田石門安群街3號京瑞廣場1期1樓139號舖 

去戲曲中心♫食燒鵝●飲阿爺靚湯►尖沙咀鼎尚棋哥燒鵝湯館

早前親戚在尖沙咀戲曲中心有演出，於是我倆便到場支持。

入場前，去了中心內的鼎尚棋哥燒鵝湯館食飯。

這間是鼎爺(李家鼎)跟棋哥(黎樹棋)一齊開設，以燉湯和燒味

為主的餐廳，可讓人同時嚐到他們的拿手靚湯及燒鵝。

為配合燉湯和燒味是香港傳統美食的代表，所以餐廳用上

懷舊鐵閘、復古算盤、海報、手繪壁畫等充滿懷舊特色的

裝潢，給人帶來不一樣的感覺。

當中最搞鬼的是用了一舊薑作筷子托，真的有心思呢！

這裡有多款燒味及燉湯選擇，更有燒鵝套餐添！

由於有點肚餓，所以叫到成枱都是美食。

(左) 椰皇燉嫩雞 (HKD138/盅)

(右) 白果腐竹燉雞湯 (HKD78/盅)

椰皇燉嫩雞材料新鮮，內有嫩滑雞肉、清甜椰皇水、椰子肉，

另加入香茅，令椰子味更提升，打開椰蓋，湧出濃郁椰香味，

入口滋潤，鮮味十足。

白果腐竹燉雞湯同樣真材實料，放入嫩滑雞肉，清香的白果、

補氣養心的腐竹，令每口湯入口清甜、燥熱全消。

(後) 秘製叉燒 (HKD108/例)

(前) 油菜 (HKD28/碟)

秘製叉燒半肥瘦，外皮微焦、肉質鬆軟、肥瘦層次均勻、

肉汁豐富油香，伴飯一流！

荔枝柴燒鵝飯 (HKD88)

有禮的服務員告知，燒鵝每日由江門石井運來香港，以荔枝

柴煙熏，燒約45分鐘。唔怪得眼前的燒鵝皮香肉滑，肥瘦

均稱，入口味美，仲有陣陣煙熏味啦！

桂香切雞米粉 (HKD78)

切雞選用桂香雞，雞皮爽口、油香滿溢、肉質嫩滑，

這裡所有燒味飯可轉瀨粉或米粉，所以換個新口味，

轉為米粉，原來味道都很夾呢！

凍奶茶 (HKD28)

最後當然要飲番枝香滑外賣奶茶先圓滿啦！

老公話阿爺靚湯好好飲，所以就叫了兩杯外賣帶回家嘆，

估唔到這裡的外賣湯杯設計相當精美，仲配有外賣手抽，

方便攜帶，又可隨手飲用，正！

鼎尚棋哥燒鵝湯館

尖沙咀柯士甸道西88號戲曲中心地下GF-05舖

用料破格．古典 x 港式Cocktail x Shisha►西環火鍋撚

入秋了，最好食火鍋，今次專登搭車去西環食特色火鍋。

食店取名火鍋撚，火鍋狂熱是也！內裡驚喜，陸續有來！

先有日日85折吸引優惠：

早鳥優惠 晚上7:30前結帳及離座

宵夜優惠 晚上9:30後入座

所以我同老公就晚上6點去開餐，摼到的可叫多個餸，抵！

全店環境寬敞，區域分佈清晰，古色古香，門口放有高大

兵馬俑、牆上滿有中國風壁畫、木製傢俱等。

入座後，店員會提供多款特色火鍋醬油(HKD10/位)以供混醬。

這裡提供的食物款式有很多，當中包括熟食爆好味黃金系列、

文火熬製湯底、精選牛肉、海鮮刺身、點心配料、手打丸類、

手打滑類….. 另有多款自家飲品及特製港式Cocktail！

開飯前記得裝飯，因這裡【白飯任裝】，跟熱辣辣火鍋料最夾。

蜂巢豆腐白湯鍋 (HKD133)

稱得上鎮店推介，湯底材料豐富，內有蜂巢豆腐、原條人蔘、

鴨血、藥材等，另加入忌廉牛奶，香滑濃郁，非常滋味。

七味黃金炸一口金磚豆腐 (HKD59)

餐前先來個餐前小食，一口一香脆，惹味開胃。

極品安格斯肥牛(小) (HKD149)

見到隔離枱叫了一客，賣相超吸引，二話不說即叫一客小的，

牛肉油脂如雪花般分佈均勻，滾一陣就食得，柔軟嫩滑，正！

【雙拼】蟹籽手打蝦丸＋流心鹹蛋豬肉丸 (HKD69)

想食多點款式，可選雙拼，以較高價錢為準。

手打蝦丸爽口彈牙，豬肉丸咬開滲出美味鹹蛋黃。

【雙拼】鮮蝦雲吞＋至尊水餃皇(HKD59)

雲吞、水餃皮薄餡靚，肉汁滿溢，用料新鮮，爽口美味。

(左) 特製雞尾酒：花雕那媽 (HKD68)

這裡的港式Cocktail名字搞鬼，由咸亨雕皇、蘋果汁及青檸

混合而成，酒味香醇，帶有果味，很不錯。

(右) 冰鎮烏梅汁 (HKD33)

甜品：腐竹糖水沙冰 或 芋圓糖水 (免費)

飯後不用苦惱去邊度食甜品，每位食客都可獲贈入口透心涼

的腐竹糖水沙冰，或材料豐富的滋潤芋圓糖水。

這裡晚上9:30後，仲有shisha水煙供應，可跟朋友輕鬆下！

火鍋撚

西環石塘咀皇后大道西554-560號日富里百好大廈地下1號舖