平日只會在銅鑼灣行街買護膚品，連晚餐亦多數在商場進食，幸好有一班識飲識食的好姊妹，早前帶我到時代廣場附近 – 霎東街的Castello 4，享受一個愉快的晚上。
由於餐廳佔全層，所以升降機一出，便會見到高級型格裝修，有大型酒吧在正中位置，建議穿著要端裝、斯文一點。
整間餐廳環境寬敞、裝修特別、帶點星際感，在燈光配搭下，營造了一份浪漫感。
餐廳有wifi提供，餐具很精美，我較喜歡餐廳的餐紙盤。
開餐啦！先來一杯鮮菠蘿汁及Octopus Salad (HKD104)。八爪魚夠薄有咬口，加上新鮮沙律菜及意大利黑醋，幾好味。
因我們人多，所以另叫一個Niçoise Salad (HKD94)，賣相靚，吞拿魚肉質細嫩，配上露荀，口感相配。
傾談一會後，主菜開始，先來Pasta Bolognese (HKD154)，茄醬味帶酸，闊條麵質感不錯。
(推介) 接著到了侍應介紹的Agli olio (HKD134)，少辣扁意粉配蒜片，很有口腔刺激，真的值得推介。
由於全程由老友點菜，所以好開心她們點了Fried Oyster (HKD84)，生蠔夠大隻，皮薄餡足，點些特式醬更好。
因跟好友難得一聚，當然唔想咁早完成飯局，所以再食主菜前，先來些小食：Fish Fingers & Chips (HKD114)，賣相很討好，魚手指炸皮脆薄、肉嫩，薯條夠大條，最好有兩款醬汁選擇。
(推介) 平日有食薯條的我，很喜歡這Truffled Parmeasan Fries (HKD84)，當侍應將它放在枱面時，嘩！黑松露的味直撲入鼻，味道亦很好，除黑松露外，薯條被濃濃的芝士蓋著，不用點醬亦美味。
時間過得真快，最後我們叫了Braised Short Rib (HKD284)，侍應為我們細心講解這菜是特別為女仕設計的，因女仕們在餐廳常為切肉而失儀，故Castello 4的大廚以慢煮方法特製這超林身肋骨，令我們一眾好友都只需用叉便可輕易將肋骨肉分開。
肋骨味道可以，但我愛切肉，所以覺得軟林身；不過配搭的鮮忌廉薯蓉及雜菜就好美味。
正當我們想食甜品之制，原來餐廳暫時未有，實在可惜，希望下次再來時，可以有啦！
參考資料：-
Castello 4
銅鑼灣霎東街15號Oliv4樓
我的文章能在以下網站見到：
謝謝收看，有空請推一推。
免責聲明： 本文章之全部內容均屬個人意見及感受，如需協助或希望獲得更多有關食店資訊，請直接聯絡該店查詢。
沒有留言:
張貼留言