扮靚BLOG: 專人燒烤、韓意味濃

2015年8月8日星期六

最近好多朋友介紹我去旺角OPPA食韓國燒烤，於是我上星期跟老公去了解一下點解他們會推介呢?當晚約6點，已開始有人排隊。

可能時間尚早，不久便可進入餐廳，場內裝修整潔，牆上有得意圖案。另外感到餐廳的細心，先有可拉動的抽氣扇，令所有油煙味盡消；另外每一張圓櫈都有儲物位，令我們可安心地儲物。

餐廳先會為每張枱提供生菜、玄米茶、韓式前菜及醬料。

開始時，我見到個燒烤板跟平時的不同，原來侍應會先為我們放泡菜及倒蛋漿，整作蛋卷，味道尚可。

因我是飯筒，所以叫了一個OPPA必食推介 – 韓式部隊Shake Shake飯 (HKD58)，侍應會將飯面的餸剪碎，之後蓋好不停搖，最後變成一個美味的特式飯，辣辣地幾好味。

因我為人很懶，故很少食自助燒烤，但今次好享受，亦明白點解朋友介紹俾我，因全程有侍應為我們燒烤。

老公鍾意食魷魚，故叫了一條原隻魷魚 (HKD95)，真係第一次見如何將一條魷魚燒得最好，味道好惹味，加上韓式醬更好。

食完海鮮，就進入肉類了，我們叫了水飼黑毛豬 (150g) (HKD138)，很大塊肉，侍應為我們燒肉，肉的肥瘦適中，味道可以，建議先食原味，之後先點醬食，可感受到兩者分別。

因愛食牛，故再叫了OPPA必食推介 – 安格斯肉眼扒(250g) (HKD158)，可能係靚牛關係，好快已食得，唔點醬都已好好味。

最後，因見到本月有優惠價HKD48換購Movenpick雪糕兩杯(原價HKD28/杯)，我們當然唔會錯過啦，即叫兩杯品嚐，正。

餐牌資料：-

牛類、豬類 ~~

雞類、蔬菜類及其他、海鮮類、韓式料理 ~~

飲品類、OPPA限定推介 ~~

參考資料：-

OPPA韓國燒肉店 OPPA Korean Restaurant

旺角洗衣街117號建煌華廈地下

我的文章能在以下網站見到：

謝謝收看，有空請推一推。

免責聲明：本文章之全部內容均屬個人意見及感受，如需協助或希望獲得更多有關食店資訊，請直接聯絡該店查詢。

扮靚BLOG