做人真得意，以前住新蒲崗，便到深水埗食飯；現在住深水埗，竟返回新蒲崗跟老友記開飯局。
她們約我到衍慶街「人氣上海點心菜館」–【三分俗氣】食飯。
食店展示了小籠包及生煎包的相片，加上全日免收加一服務費，相當吸引！
人未齊，我們便叫冷盤來開胃一下！
先有十分爽口的【正宗手拍黃瓜】，再有微辣的【川味口水雞】，味道竟沒有想像中辣，肉質亦能保持嫩滑。
人齊了，當然要品嚐招牌點心啦！
【爆湯小籠包】
皮超薄，又不易破；咬開少少皮便可飲到清甜湯汁，再咬下去便可食到啖啖肉，正！
【清真牛肉餅】
外皮雖未及小籠包薄，但輕輕咬下去可感到牛肉的彈牙，而且同樣多汁，確是另一層次。
每次到上海菜館，都會叫酸辣湯，今次當然不例外，叫了【足料酸辣湯】。
最好的是可選一位或一窩，方便不吃辣的朋友可另選其他，如魚肚羹。
這酸辣湯材料豐富，不算辣，反而酸酸地夠惹味，不吃辣的亦可放膽一試。
無肉不歡的我，舉手要求【杭州滷蛋紅燒肉】。
果然不負所望，一層肥一層瘦，啖啖肉，肉汁徹底被紅燒肉吸收，相當入味，連愛食瘦肉的老友都少有地讚這味菜。
一浪接一浪，店員介紹我們食【懷舊菠蘿咕嚕肉】。
賣樣中西合璧，更具吸引力。咕嚕肉大大件，皮身好薄，肉餡彈滑，配上酸甜菠蘿，一絶呢！
肚仔飽飽，正好食甜品，高力豆沙經常食，於是來個【棗泥南瓜餅】。
賣相好得意，像個小南瓜，一定要趁熱食，餅包柔軟煙靭，棗泥幼細，暖笠笠好好味。但因太飽只能食到一個，下次一定要留肚。
新蒲崗臥虎藏龍，估不到平凡的菜館有著不平凡的美食……..
參考資料：-
三分俗氣
地址： 新蒲崗衍慶街2-32號新蒲崗大廈地下10-12號舖
電話： 5321 1862
我的文章能在以下網站見到：
免責聲明：本文章之全部內容均屬個人意見及感受，並不代表該品牌之言論及立場，如需協助或希望獲得更多有關產品資訊，請直接聯絡該品牌查詢。
沒有留言:
張貼留言