平日連食飯都要加辣醬的我，最愛有刺激感的泰國及越南菜，前排上網睇到位於銅鑼灣的「Soi 18泰國餐廳」有正宗泰國東北菜，於是上星期約了一班為食朋友齊齊嘆一番。
唔講唔知，這餐廳是由亞洲小姐冠軍張家瑩小姐經營的，她在工作時認識來自泰國東北部的AU師傅，在成立Soi 18後，有30年經驗的AU師傅更成為當中的主廚。
為令餐廳可以充滿泰國東北的浪漫情調，Soi 18特意選用 “Made in Thailand” 的餐具及裝飾品。
餐牌內的菜式，充滿正宗的泰國東北菜。
點菜後，服務員會送上不同的醬汁、手套及開殼夾。
今次聚會人數眾多，所以叫了很多菜式：-
先來一個最新推出的泰東北特色菜 - 「泰東北古式香葉包」(HKD88)
賣相精緻，但原來小小的包子內有著很多材料，如萬甘葉、蝦肉、蝦米、蝦膏、腰果碎、青檸粒、椰糖等。
加上特色醬後，一口食落去，百感交集，又脆又香口、突然有少少辣、又有少少爽口….是不錯的開胃菜！
接著第2道菜：「18巷拼盤」(HKD188)
包括魚餅、蝦餅、蟹餅、素春卷、豬頸肉(各兩件)。其中我最喜歡蟹餅，十分鬆化、可口。
由於我班朋友好識食，所以早已叫了廚師推介及最新的菜式，令我們可大飽口福。
第3道菜：「18巷鮑魚沙律」(HKD158)
這沙律很清新，第一次食到鮑魚、沙葛及椰芯的配搭，又有爽口感，又有軟稔的鮑魚，正。
第4道菜：「泰式燉花膠」(HKD398)
以前有過不愉快經歷，曾叫過燉花膠，但最終得迷您花膠，湯又唔張口。但今次好滿意，成煲都係料，花膠又大又滑，好張口，勁多膠原。
第5道菜：「泰東北包魚吃」(HKD268)
我本身唔太食魚，但見這食法特別，所以我便食了一個，將生菜包著筍殼魚肉、米線、乾蔥粒等，加上有花生的甜甜醬或綠色的酸辣醬，效果都不錯。
第6道菜：「酸甜金莎骨」(HKD118)
這金莎骨有點像中式金莎骨，但口感卻有點特別，酸甜味較濃，不過如多D肉、少D骨會更好。
第7道菜：「香草粉絲焗蟹煲」(HKD388)
賣相很吸引，但原來味道也很好，粉絲吸晒所以蟹及材料的精華，所以味道又豐富。不過我無食到蟹蓋，下次可以再食品嚐一下。
第8道菜：「鳳梨海鮮炒飯」(HKD128)
炒飯十分足料，每啖飯都充滿海鮮及菠蘿，抵食。
第9道菜：「秘製黑椒炒蟹」(HKD388)
隻蟹好大隻，由於已好飽，所以只食了一隻蟹箝，但都啖啖肉，好惹味，但我更欣賞D蔥，吸晒所有蟹汁及醬料，所以我食了佷多。
加上餐廳已提供手套及開殼夾，所以丁點都不會令雙手沾滿醬，好貼心。
最後當然要叫杯我最愛的「香蕉奶昔」(HKD45)啦，果然足料，很濃香蕉味。
由於太飽了，故沒有叫甜品，但下次一定要食到最受歡迎的「泰式香芒椰汁糯米飯」(HKD78)及「泰式椰青大菜糕」(HKD58)。
參考資料：
Soi18 Thai / 18巷泰國餐廳
地址：銅鑼灣告士打道280號世貿中心1302B室
電話：2895 1312
Facebook：https://www.facebook.com/soi18thai
我的文章能在以下網站見到：
免責聲明： 本文章之全部內容均屬個人意見及感受，如需協助或希望獲得更多有關食店資訊，請直接聯絡該店查詢。
沒有留言:
張貼留言